Lagar show i Lærdal i vår og sommar
Opplev musikk frå mellom anna Blues Brothers i Lærdal i sommar.
I mai og juni kan du oppleve musikk frå mellom anna Blues Brothers, ABBA, Boney M og The Beatles i Lærdal.
Gjennom våren og sommaren arrangerer Lærdal Ferie- og Fritidspark ei rekkje show og musikalar i samarbeid med Stars in Concert frå Berlin.
Forestillingane foregår i ferieparken som ligg på Lærdalsøyri, berre 10 minutt spasertur frå Lindstrøm Hotel.
Artistane skapar inntrykk av originalene i ABBA.
Nesten som originalane
Her får du sjå artistar som etterliknar nokre av dei største stjernene vi har og har hatt - frå The Beatles og ABBA til Boney M og Blues Brothers.
Både vokalt og visuelt skapar dei inntrykk av originalane, komplett med liveband og smidige dansarar.
Berre til å gle seg
Allereie no kan du bestille billettar til I’m a Soulman - A tribute to the Blues Brothers 5.-7. mai og A Tribute to ABBA & Boney M 2.-4. juni.
Meir informasjon om komande arrangement finn du på nettsidene til Lærdal Ferie- og Fritidspark.
Ferieparken får gang på gang begeistra tilbakemeldingar frå publikum, så her er det berre til å gle seg!
Du blir tatt med på ei reise til 70-talet i A Tribute to ABBA & Boney M.
